今日是農曆八月初一,好快就會到中秋節,不如今日講下以前香港
人點樣過中秋。50-60年代香港人收入唔高,到了中秋當然要送月餅
比親戚朋友啦,以前好多餅家都會做月餅會,平有平做,貴有貴做,
到了中秋前夕一定會有月餅拎,但宜家餅家都唔會再做月餅會,
第一張相是位於深水埗老餅家,”八仙餅家”月餅會,餅卡上寫住
有玩具送,再加五盒月餅。多男茶樓,聽到未聽過的茶樓,月餅盒
上印有不同神仙。以前榮華月餅用紙包住月餅架,張紙咪會有好多
油份囉,都幾盞鬼。我好鍾意奇華餅家以前個月餅盒好有特式又懷舊。
添男樓八珍月餅即係咪一盒月餅內有八個月餅咁多。豬籠餅,以前成
日聽呀媽提及過,好像近年某D餅家再推出豬籠餅,不過價錢太貴,
點會買來食呀。瓊華月餅以前推出過紅荳月餅,紅荳月餅甜甜地,
我想應該會好好食。
全站熱搜
留言列表